ژمارەێ چوارم مانگنامه‌ی فارسی - کوردی ئادان بڵاوە بی
2021-02-15T06:29:58+00:00
شەفەق نیوز- ژمارەی چوارم مانگنامەی کوردی-فارسی ئادان ک دە قەسرشیرین و کرماشان ئامادە دکرێ دەرهاتە دەر.
دە ئی ژمارە چەن وت‌ووێژ وەرد دوکتور یووسف زەیدان رووشنبیر مسری، دوکتور بورهان ئەلشاوی خاون‌بیر عراقی، دوکتور دێهقان مودیر ماڵگەی ئەدەبی ئەڤغانستان، دوکتور عەلیڕزا نیکووئی، دوکتور بەیگ‌زاده، شەهرام کەمانگەر، ئوو سەعید عبادەتیان، کریاگە.
دە بەشێ تر لەێ گوڤارە، قەڵێ لە «خندە غمگین‌ترت می‌کند/ زەردەخەنە خەمینترتەو دکه‌ێ» هنەێ بەختیار عەلی ک مەریوان حەڵەبچه‌ئی وە فارسی ئەڵگەردانگەسەێیەو، چاپ کریاگە و ئەڕا یەکم جار، باوەتەێلێ دەبارەێ ئەدەبیات ئێران و جەهان چاپەو بییە.
خاون و بەرپرس ئی گوڤارە (ئدریس موحەمەدی) و سەردەبیرەگەێ (موحەمەد زاکری نەسەب)ە.
ئیوه دتوانن PDF سێ ژماره‌ی پێشوو گوڤارگە، دە ئارشیڤ ئلکترونیک شەفەق ببینن و بخوەنن.
