غه‌زاله جاويد گورانيچڕ ناودار پاكستانى ترۆر كريا
شاته‌يل ئێژن: ئه‌ى گورانيچڕ پاكستانيه له ده‌وه‌ر شار پيشاوه‌ر له لاى پياوه‌يل چه‌كدار خريا وه هێرش و كوشيا.
بڕێ راپۆرته‌يل ناوخوه‌يى وتنه: غه‌زاله هناى وه‌ل باوگيا له سه‌نته‌رێ ره‌ينكارى له گه‌ڕه‌ك شار نو ك ها له"دابه‌گری"، هاتيه‌سه‌و ده‌يشت له لايه‌ن دو كه‌س ماتۆرسه‌وار وه چه‌كه‌و، كه‌فتيسه وه‌ر هێرش.
ئه‌ى گورانيچڕه پاكستانيه، فێشتر چالاكيه‌يل خوه‌ى له شار پيشاوه‌ر پاكستان ئه‌نجام دايه.
وه ئه‌ساس خه‌وه‌ريله بڵاو بوى، باوگ غه‌زاله‌يش له‌ى هێرش چه‌كداريه، گيان خوه‌ى له ده‌س دايه. تا ئيرنگه، هويچ لايه‌نه‌ێگ وه‌ر‌پرسياره‌تى خوه‌ى له باوه‌ت ئه‌ى ترۆر غزاله نه‌گرتيه‌سه‌و مل.
وه‌لى پۆليس پيشاوه‌ر وتگه: جارێ وه هاوسه‌ر وه‌رجله ئيسه‌ى خانم غزاله وه ناو(جه‌هانگير) ك ته‌نيا شه‌ش مانگ وه‌ل يه‌كا ژيانه‌و له يه‌ك جيايه‌و بوينه، گومان ديرێد.
ئه‌ى گورانيچڕه له ئه‌و هونه‌رمه‌نده‌يل پاكستانيه‌سه ك هه‌م له وڵات خوه‌ى و هه‌ميش له‌وڵات ئه‌فغانستان فره هه‌وادار داشت و دووسێ داشتنه./ش
