شانۆگەری هاملێت لە هەولێر نمایش کریەێد
شەفەق نیوز/ دەرھێنەر هونەرمەند (ئەرسەلان دەروێش) گەورەترین شاکار شانۆی جەهانی ئەرا یەکەمین جار لە ھەولێر پایتەخت وە سپۆنسەر (دەزگای روشنهۊری زانکۆیل جەهان) نمایش کەێد، شانۆگەری (ھاملێت) جویر نووبەرەی بەرھەمەیل (تیپ شانۆی ئەکادیمی جەهان) پێشکەش کریەێد.
لەی شانۆگەرییە دەقە (شکسپیر) یەگە وەگەرد چەن تێکستیگ شانۆیی نویسەرەیلیگ جویر (ھادی المھدی) و (ممدوح عدوان) دەقئاویز کریاگە و لە ئەڵگەردان چیرۆکنویس وەناوبانگ (شێرزاد حەسەن)ە، بڕیگ ئەکتەر ئەکادیمی رۆڵەیلیان بەرجەسە کەن جویر (سدیق حوسێ ـ ھاملێت، پشکۆی شێخ عەلی ـ پادشا، زیاد کەریم ـ ھۆراشیۆ، ئاواز ئەحمەد ـ شاژن ، وەیلان سدیق ـ ئۆفیلیا، ریشوان ئەحمەد ـ پۆلۆنیۆ، کارمەند خدر ـ لێرتس).
کارە ھونەریلیش وەی جویرە وەڕیەو چوود: (ئەندازیار بورھان سابیر ـ وەڕیەوبەر بەرھەم)، (دانا محەمەد ـ یاریدەدەری دەرھێنەر و جیوەجیکردن ھونەری) ،(بەدر سنجاری ـ پەیوەندیەیل)،(زیاد کەریم ـ راگەیانن) (کارزان کەمال ـ جیوەجیکار.ھونەری، تریفە کەریمییان ـ دەنگبیژی ، ئەمین فەقیرـ توومارکردن موزیک، محەمەد مەرزانی ـ وێنەگرتن و مۆنتاژ، زانیار خۆشناو ـ ریکلام، سەرھەنگ غەریب ـ دەسەی بەرھەم ،پشکۆ شێخ عەلی، کارمەند خدر، ریشوان ئەحمەد ـ رووشنایی..) و چەند ھونەرمەنیگ تر بەشداری کەن.
شانۆگەری (ھاملێت) وە مەزنترین دەق نویسەر ئینگلیزیی بلیمەت (ولیام شەکسپیر) دریەێدە قەڵەم، و لەدۊای چوار سەدە لەنویسینی، وەھەزاران جار لە بان شانۆیل جەهانی وەدیدگا ستایل و فۆرم جیاواز نمایش کریاگە.
