سەنا بەرزنجی ئەلبوم "بێلانە" بڵاوکەێد

شەفەق نیوز/ خانمە گورانیچڕ گەنج سەنا بەرزنجی ئەلبومیگ وەناو(بێلانە) بڵاوکەێد. 

سەنا راگەیانیە ئەلبوم (بێلانە) وەی نزیکە بڵاوەوبوود لە نویسینگ لە باوەت بڵاوبوین ئەلبومەگە ئوشێد "تاک وە تاک گورانیەیل وە دڵ و وە گیان دروسیان کردم، چەنیگ لەری دروسکردن ئی ئەلبوومە گەورەوبویم، خوەم هویرەوکەم چ ریگەیگ رەدکردم، بی هیچ پشتیوانیگ خوەم مەسروف ئەلبوم و کلیپەیلم گردمە ئەستۆ، تا منەت و قسەی کەس وەبانم نەود، شانازی وە خوەم کەم، وەڕاسی ریگەی قورسیگ بوی".

سەنا بەرزنجی لە داڵگبوی ساڵ (٢٠٠١)ی خوەرهەڵات کوردستانە، سەرەتا وە چڕی و کەڤەرکردن گورانی فۆلکلۆری کوردی دەسوەپیکرد و توەنست هەواداریگ فرە ئەرا خوەی بکیشێد، خاوەن هەوادار فرەیگە.