گرێتا گێرڤیگ لە فیلم باربی داهات میژووی نویسێد
2023-08-08T08:48:33+00:00
شەفەق نیوز/ فیلم “باربی”، کە لەلایەن “ وارنەر برەدەرز”ەو بەرهەم هاتیە، بویە یەکەم بەرهەم لە دەرهێنان ژنیگ کە داهات جەهانی لە یەک ملیار دۆلار رەد کردیە، وەپەی مەزنەکردن گرووپ تایبەتمەن “پەیوەندییەیل ئەزموون”، وە پیشەنگی لەپەنجەرەیل تیکیت لە بۆکس ئۆفیس ئەمریکای باکوور ئەرا سێیەم هەفتە لەبانیەک.
ئی فیلمە لە دەرهێنان گرێتا گێرڤیگ توەنست میژوو توومار بکەێد؛ نەک تەنیا لەوەر ئەوە کە داهات جەهانی یەک ملیار دۆلار رەد کردیە، بەڵکم وە مدوو ئەوە کە زویوەزی بویە لە میژوو کۆمپانیای وارنەر برۆس، وەپەی قسەی وەرپرسەیل گرووپەگە.
فیلمەگە کە مارگۆت ڕۆبی و ڕایان گۆسلینگ رۆڵ سەرەکی لەناوی رانن، لە کۆتایی هەفتە لە جمعە تا یەکشەممە داهات 53 ملیۆن دۆلار وەدەس هاورد، وەیەوە بڕ داهات ناوخوەیی لە دویای نمایشکردنی لە سینەمایل رەسیەسە 459 ملیۆن دۆلار، داهات ناودەوڵەتیش رەسیەسە یەک ملیار و سێ ملیۆن دۆلار، وەپەی ئاژانس فرانس پرێس.
