دوو مەرج ئەرا ئامادەبۊن ئۆسکار سینەمایی
شەفەق نیوز/ سەرچەوەیگ ئاگادار وت: ئەکادیمیای هونەر و زانستەیل سینەمایی بایەت ئەرا ئامادەبۊن لە 94مین خەڵاتەیل ئۆسکار لە مارس، وە بەڵگە بچەسپنن ک ڤاکسین دژە کۆرۆنا وەرگردنە، و لەلای کەمەو کەم دو وشکین کردنە ک تۊشهاتنیان وەپێ نەرێنی دەرچگە.
سەرچەوەگە وتیش، نمایشکار و پێشکەشکارەیل لە بەرزترین مژار سینەمایی داوای وشکین لەلیان کریەێد، باوجی نێخوازێد بەڵگەیگ بیاشتوون بچەسپنێد ڤاکسین دانە.
یاسایەیل داپووشین دەمچەو جیاواز بوود لە ئاهەنگ بەشەوکردن خەڵاتەیلە ک بڕیارە لە 27 مارس وەرێوە بچوود و وەلایەن شانۆی دولبی لە هولیوود میوانداری کریەن.
هەڵوژریاگەیل ئەرا خەڵات و میوانەیلە لە شۊنەیل نزمتر لە شانۆگە دانیشن و داوا لەلیان نیکرێد دەمامک بوەسن.
سەرچەوەگە وتیش، دۊری فرەیگ هالە نوان دانشتگەیل، شانۆگە شۊن3317 کەسە، باوجی بڕیارە 2500 کەس مکیس بکریەن و ئامادە بوون.
باوجی لە دانشتگەی دۊا خوازن دەمامک بنەن چۊنکە مەودای نوانیان نزیکە.
