دەنگ ئەڵی مارک لە گورانی ناودیاریگ

ئەڵی مارک شیرلۆک، خانمە گورانیچڕ جیاواز، خاوەن دەنگ قویلیگ، چەهچەهەی دڵگیریگ هاناوی، وە هەس بەرزیگ دەنگی هەڵاڵێد، و توەنێد کۆنتڕۆڵ بەرزی و نزمی دەنگی بکەێد.

ئەڵی شیرلۆک، وەگەرد ئەوەیش گیتار ژەنێد، و گورانی نویسێد، و بڵاوکەر هونەریە ئەرا گورانی ئێرلەندی، باوجی لە پارچە ڤیدیۆیگ لە بەرنامەی "Supermarket Flowers" وەگەرد ئێد شیران دەرچگ، ک لە ساڵ ٢٠١٧ کەفتە بان یوتیوب، ئیجا لە ساڵ ٢٠١٨ لە بەرنامەی The Ellen DeGeneres Show دەرچگ، دویای ئەوە لەناو جادە جویر «نمایشکردن گەیاکەری» لەناو جادەی دبلن، ئێرلەندا لەی پارچەی خوارە دەرچگ، ک گورانی کوینەی ناودیاریگ هن خانمە گورانیچڕ ئەمریکی گلۆریا جاینور چڕێد ک وەناو I Will Survive «ئەوەسا زنی بووم» نریاگە.

ووشەیل گورانیەگە باس ژنیگ کەێد دویای ئەوە ک لە دووسەگەی جیاوە بوی، و دڵی شکیا، هازیگ لەناو خوەی پەیا کرد.

ئەو گورانیە لە ساڵ ١٩٧٨ رەسیە پلەی یەکەم لە خاسترین گورانیەیل ئەمریکا، و ئەو گورانیە بویە هیمایگ ئەرا وەتواناکردن ژن.