دێری ئارام بەرهەم نوویگ بڵاوکرد

شەفەق نیوز/ خانمە گورانیچر گەنج دێری ئارام نووترین ڤیدیۆ کلیپ خوەی بڵاوکرد.

 "پێت ناڵێم" وەرهەمە نووەگەی دێریە و دویەشەو لە چەناڵ تایبەت خوەی لەبان یوتوب  وە شیوەی ڤیدیۆ کلیپ بڵاوکرد، میلۆدی گورانیەگە خوەی دانایەسێ و تێکستەگەیشی وەگەرد مازیار فایەق نوسایە. 

دێرێ ئارام ساڵ (٢٠٠٠) لە خانەوادەیگ هونەری شار سلێمانی لە داڵگبویە، دەرچگ بەش میوزیک هونەرەجوانەیلە، سەرەتی دەرکەفتنی چوودەو ئەرا چوار ساڵ وەرجە ئیسە، وە دوێتە هاوبەشەگەی وەگەرد هەڵوێست ناوبانگ فرەیگ دەرکرد،  و خاوەن چەن بەرهەمیگە.