خانمه ئەکتەریگ تورک هاورێ خوەی دەێدە وەر چەقوو
شەفەق نیوز/ خانمە ئەکتەر تورک سێڤیل ئاکداغ،٣٢ ساڵان دویای ئەوەگ لە شەوە ئاهەنگیگ گلەو خوەێد هاوریگ خوەی کوشێد.
وەپای خەوەریگ لە میدیایەیل تورکیا، سێڤیل ئاکداغ، لە شوین نیشتەجیبوین خوەی لە کویچەی فاتح لە ئیستەنبوڵ، و چەقوو هاورێ ٢٩ ساڵانەگەی خوەی، ئەلیف کیراڤ کوشتیە دویای ئەوەگ وە سەرخوەشی لە شەوە ئاهەنگ گلەوخواردیە.
وەپای ئاژانس ئەنادۆڵ، پۆلیس ئاسەوار چەن زەخمداریگ وە چەقوو لە لەش قوربانیەگە پەیاکردیە وخانمە ئەکتەر سێڤیل ئاکداغ، لە ناوچەی ئەسێنیورت، کە یەکیگە لەکویچەیل ئیستەنبوڵ دەستگیرکریا و ئەرا دادگای ئیستەنبوڵ لە چاغلایان کلکریا.
ئاکداغ، لە بنکەی پۆلیس راگەیاندییە: من و ئەلیف هاوڕێ بووین، ئەو شەوە لە دەێشت مەی نوشایمن دویایی ئەرا ماڵ گلەو خواردیمن و وەردەوام بویمن لە مەی نوشان شەوەکیەگەی بوی وە وەردەوەردەمان ئەلیف دالیم و کفتیمنە بان زەوی، هەنای دەم بی ژویلەس لەو شوینە لە رخەو لەو شوینە وایم و هویچ ترەک وە هویرم نیەتید، چوینکە فرە مەی نوشی بیم.
پەیمانگای پزیشک دادوەری راگەیاند "شوین زەخمداری 30 چەقوو وەبان لەش قوربانییەگە بویە."
سێڤیل ئاکداغ، لە دالگبوی ساڵ 1993 لە شار ماردین لە تورکیاس، ماوەیگ جویر مۆدێل کارکردیە وەرجە ئەوەگ بچێدە مژار نواندن.
