خانمە هونەرمەنیگ میسری باس وازهاوردنی لە لەچک سەری کەێد
شەفەق نیوز/ بیس ساڵە ک خانمە هونەرمەن و گورانیچڕ میسری (حەنان) لە مەیدان راگەیانن و هونەری دیاری نیە، دۊای ئەوە ک یەکیگ بۊ لە ناودارترین هەسارەیل نەوەتەیلە، ک لە ساڵ ١٩٩٧ بڕیار وازهاوردن لە هونەر دا، تا ئیجا لەچک بکەێدە سەر، و دۊای پەنج ساڵ واز لە لەچک بارێد.
باوجی دۊای ساڵەیل فرەیگ لە ئەڵمانیا، ئەرا میسر گلەو خوارد، و لە چەن بونیگ کۆمەڵایەتی وە گورانی و سەما دیار دا.
حەنان لەی دۊاییە لە کەناڵیگ مەسری دەرکەفت، و چەن باسیگ تایبەت وەخوەی ئاشکرا کرد، لەناو ئەو باسەیلە، ئاشکرا کرد ک ئەڕا لە هونەر واز هاوردیە، و دیاری کرد ک دۊتەگەی ک لەو مەوقە تەمەنی ٤ ساڵان بۊە، هیشتیەسەی واز لە هونەر بارێد، ک وتگە: ئی داڵگە من کەی توو دۊنم.
هەرلیوا، باس کرد ک هیمان ئارەزوو دیرێد دووارە لەچک بکەێدە سەر، وتیش؛ شۊەگەی لە ئەڵمانیا پەڵپ کەنین لەچکەگە لەلی گردگە.
