جێنیفەر لۆپیز ئەرا پەنجەم جارە شۊ کەێد
شەفەق نیوز/ هونەرمەن گورانیچڕ ناسریاگ ئەمریکی جێنیفەر لۆپێز ئەرا پەنجەم جارە شۊ کرد، ئیجارە وەگەرد ئەکتەر دیاری هۆلیوود بەن ئافلیک ئەڵقەی دەزۊرانیی ئاڵشت کرد.
ماڵپەڕ سکای نیوز ئیماراتی بڵاو کردیە ک جێنیفەر تەمەن ٥٢ ساڵ لە هەژمارەیل خوەی لە ئینتەرنێت ڤیدیۆییگ بڵاوکردیە و لەناوی نووڕێدە ئەنگوسرتیلەی مارەبڕینەگەی و گیرێد، ئاشکرای کردگە وەگەرد بەن ئافلیک ئەڵقەی دەزۊرانی ئاڵشتکردگە.
ماڵپەڕەگە باس ئەوە کرد، بەن ئافلیکی تەمەن ٤٩ ساڵ و جێنیفەر وەرجەیە تا ماوەی ١٨ ساڵ دەزۊران بۊنە، تا لە مانگ کانوون دۊەم ٢٠٠٤ لەیەک جیاوە بۊن، تا لە مانگ ئایار ٢٠٢١ دووارە پەیوەندی کردنە، ئەویش دۊای ئەوەگ لە مانگ نیسان ٢٠٢١ جێنیفەر راگەیان وە فەرمی لە ئەلێکس رۆدریگیز جیاوە بۊە، ک بازیگەر بەیسبۆڵە و لە یانەی نیویۆرک ناگی کار کەێد، ئی پەیوەندییە ماوەی چوار ساڵ کیشا، بۆ ماوەی دوو ساڵیش دەزۊران بۊنە.
