ژیان‌نامه‌ی خەلیل و جەلیل، خەڵات کریا
شەفەق نیوز- فیلمێ ک لە بان ژیان‌نامە‌ی دو برای لفانگ ئیلامی، خەلیل و جەلیل گیریاگە دە فستیواڵ نیس فرانسە، خڵاتی کریا.
خەلیل و جەلیل دو گلە برا دە ئاوایی دوور لە ئاوایی و ئاوەدانی و مەهریمن دە شارستان هلەیلان دە ئوستان ئیلام ک زنەی و مێیار ئەوان، دە بان شوانی و کشت و کاڵ ئەڕا که‌سەیلێ تر بییە و دە کەش ئی شێوەی ژیان ژارانە و هەژارانە‌ی خوەیانە، دە کەش و کێوە و جادە و بنار، لە دەودەوەکی کردن هاتنەسە نام وەرزێشت دەو و ئێسە هەردۆگێیان لە قارەمانەیل سەرڕێشتەدار دەو دە ئاسیا و ئێرانن و ملوەنەیل قارەمانی فرەیێگیش گرتنە.
فیلمەگەی ژیان‌نامە‌ی ئی دو برا، هن رووح‌اللە ئەکبەری، فیلمساز ئیلامییە و تا ئێسە خڵاتەیل فرەیێگ دە ئێران و دە دنیا بردگە ک فستیواڵ (نیس فەرانسە) ئاخریەکەگەیانە.
ئی جەژنوارە، ساڵ وه ساڵ، لە 20 تا وه 22 ئوکتوبر ده لێوار ئازور فه‌رانسه ئه‌ڵگیردرێ و ئمساڵ فیلمەگەی ئەکبەری دە نام سەوەتەی خاسترینەیلەی ئی جەژنوارە نریا و خڵاتی کریا.
