کاروان کامیل و کوردستان دوێتیگ بڵاوکەن
2024-01-28T08:47:03+00:00
شەفەق نیوز/ هونەرمەن کاروان کامیل لەپەڕەی فەرمی خوەی لە بان ئنیستاگرام راگەیاندیە نووترین دوێت وەگەرد کوردستان بەدرخان بڵاوکەێد و نویسانیە " چەوەڕێ دوێتیگ نوو بن".
لە ساڵ پارەکەش هەردوو هونەرمەن دوێتیگ وەنا " ئەڤە دەمەکە" بڵاوکردن.
کاروان کامیل لە داڵگبوی شاری دهۆکە، ماوەی فرەیگە لە ئەوروپا زندگی کەێد، خاوەن چەندین بەرهەم هونەریە.
کوردستان بەدرخان لە ساڵ ١٩٩٧ لەداڵگبویە، لەوەرین بەشداری بەرنامەی پێشبڕکێ گورانیچڕین کردیە خاوەن بڕیگ بەرهەم گورانیە.
