وە پویل شوینیگ لە بەهەشت بسین
کوڵە چیرووک
وەناو سەدەی ناوین خاچەیل(کشیشان) بەهیشت فرەتیانە خەڵک و خەڵک نەزانیش وە وژاردن پۊل فرەی بەشێ وە بەهیشت ئەڕا خوەیان سەنیان، ئایەم زانایگ کە وە نەزانی خەڵک خوسە خواردیاد هەر کارێ بۊشی کردیاد کە خەڵک وەی کار خەشیمانەیانە لا بێەێ وەلێ نەتۊەنس
تا یەگ هۊرێ دا سەرێ چیەڕا کلیسا وەتە خاچ یا ڕووحانیێ ک وەڕێوەبەر فرەتن بەهیشت بی.
وەتە پێ : نرخ جەهەنم چەنێگە ؟
خاچیش ئەڵاجەۊێ وەی قسە هات وەت : جەهەنم ؟
پیاێ زانا وەت : بەڵێ جەهەنم
خاچ(کشیش) بێ یەگ ویر و هۊر بکەێ وەت : 3 سکە.
پیا هەراسان ئەو سێ سکە ک خاچ وەت وژاردو وەتە خاچ: تکایە بەڵگەی جەهەنم بێە پێم. خاچیش وەبان کلگێ قاقەز شڕ و دڕیا نۊسا : بەڵگەی جەهەنم. پیا وە خوەشاڵی فرەێگا بەڵگە لە لێ سەن و لە کلیسا هاتە ڕێ.
چیەڕا مەیدان شار و هاوار کرد : مەردم م تەمام جەهەنم سەنمە یەیش بەڵگەیە دێرم کەسێگیش ڕێ نیەم باێدە تێ.
دی هەوەجە نییە بەهیشت بسێنین ئەڕا یەگ مە هۊچ کەس نیەیلم باێدە ناو جەهەنم.
ئی کەس زانا مارتین لوتر بی کە وەی کاریە، تۊەنس خەڵک وە نەزانی و نادانی ئازاد بکەێ.
وەناو دونیا تەنیا یەی سەرتری لە زانایی هەس ئەویش ئاگاهیە و تەنیا یەی گوناهـ هەس ئەویش نەزانییە !
