کوچە مەروی.. هەنای فەیلیەیلە لەناو کۊچەیل تەهران گردەو بۊن.. وینە

 شەفەق نیوز/ وەرەو خوار تەهران پایتەخت ئیران، نزیک مەیدان ئیمام خومەینی،  لەورا ک کۊچەیگ پەلپەلینە لە جادەی ناسر خسرەو دەرچوود، دوکان و باسەیلیگ عراقی هەس، و هەمیش وە زاراوەی کوردی فەیلی رەسەن، تا ئی شۊنە بۊە شۊنیگ ئەرا ئەو بارکریایلە لە فەیلیەیلە وەشیوەی تایبەت،  وعراقیەیلە وە گشتی.  

باسەگە لەیرا لەباوەت کوچە مەروی کریەێد،  ک یادگاریەیلیگ پەیوەندی وە زیان دڵسوزی ئەرا رووژەیل کێفاح و سەدریە و باب شێخ و کۊچەیل کۆن کەربەلا و نەجەف هەس.  

هەسی کورد فەیلی لەی کۊچە، ئەرا پەنجایل سەدەی گوزەشتە چوودەو، هەنای دۊای بارکردنە زوو کاریەگە لەلایەن رژیم بەعس، لەشۊن یەک خوەیان رەساننە ئیران.    

کۊچە مەروی ک هەمیش بازاڕیگ کۆنە لەناوی هەس، یەکیگە لە کۆنترین شۊنە گورجەیل تەهران، ک میژوونۊسەیل تەمەن ئەرا ٢٠٠ ساڵ مەزەنە کەن.