کوڵە چیرووک رووی و ریچەرمێ

کوڵە چیرووک 

ئەروایگ بی خەلەی گەورای گەنم داشت زەۊ پڕ پیت و نەختێ ک گەنم وە ناو خسۊد گشت زانستیان وە هۊرد تا هەراش .

وەخت درەو گەنم بی یەێ شەو لەی شەوەیلە ڕوویێ چیە ناو خەلەگە و بەش کەمیگ لە لێ پاتلن کردو قرتگێ خەسار دا ڕیچەرمێ.

ریچەرمێ کینە لە ڕووی گردە دڵ دۊای چەن رووژ رووی خسە دام و قەرار دا لە ئاژڵ بەسەزوان هەقا بکەێ. تیکڵەی پڕپۊش ژەنییە ڕۊناو بەسارەێ دۊ ڕووییەو ئاگر نا پێا. 

ڕووی بڵووزە چیەلێ هەێهەلا کرد ورەو ناو خەلەی ڕیچەرمێ و وریلاو ورەولا دەویاد ڕیچەرمێش وە شوونیا دەویا، وەی بگر بدەوە خەلەێ ڕیچەرمێ بیە خوەڵەکوو.

وەختێ کینە گریمە دڵ و هایمە شوون هەقا کردن بایەس بزانیم ئاگر هەق سەنن پەڕ دەوان خوەمانیش گرێ سە خاستر یەسە ک بوەخشیم و ڕەێ بۊم .

ئەلگەردان سادق جەلیلیان