هووکار و چارەسەر دڵتەنگی وەهاران
2024-04-01T10:28:52+00:00
شەفەق نیوز/ فرەکەس تویش دڵتەنگی وەرزی بوود باوجی وەشیوەی وەرچەویگ دڵتەنگی وەرزیەیل دڵتەنگی وەهارانە کە لەوەر ئاڵشتبوین وە رووشنایی و کەشوهەوا لە وەرز وەهار دروسبوود.
وەپای ئەوەگ وەرز وەهار وەرز گواستنەوەس لەناوەین سەردی زمسان و گەرمی تاوسان بوودە هووکار ئاڵشتبوین لە درویژی رووژ و فرەیی رووشنایی بەرزەوبوین پلەی گەرمی ئێ ئاڵشتکاریەیلەش کاریگەری وبان دۆخ دەروین و تاقەت دروسکەن.
توەنرێد لەری چەن کاریگ دویرەوبکەفید لەی بارودۆخە و چارەسەری بکەێد:
١. وەسەربردن وەختیگ فرە لە هەوای پاک و خوەی دانە وەر خوەر لە وەخت خوەرئەڵاتن.
٢.پابەندبوین وە وەرزش بیجگە لە سوودی ئەرا لەش کاریگەری وەبان بار دەروینی دیرێد.
٣.گرنگیدان وەشیوەی ژیان تەندروس لەروی خواردن و خوەراک تەندروس و رێکخسن خەو.
٤.مقەیتیکردن پەیوەنی کۆمەڵایتی و پابەندبوین وەپیان.
