ژنیگ هیندی ناچار شویەگەی وە مەرجیگ ئەڵاجەوی ئەرا سویرەگەی کەێد
شەفەق نیوز/ وەیویگ هیندی ناچار شویەگەی کردیە واژوو لەبان مەرج ئەڵاجەوییگ لەناو گریەبەسی سویرییان واژوو بکەێد، پەیوەندی وە برادەرەیل زاواگە دیرێد.
برادەیل زاواگە داوا لەلی کردنە مەرجیگ لەناو گریەبەسی سویرییان بوود، ری وەشویەگەی بەێد وەردیان بوود و چەویان بکەفێدە یەک، و ژنەگە مەرجەگەی ئەوە بویە ک تا ساعەت نۆی شەو ری دیرێد وەرد برادەرەیلی بوود لە دەیشت.
لەو مەرجەیلە لەناو گریەبەسی سویرەگە، وەگورەی سایت "ئیندیان ئێکسپرێس" وەویەگە پەیمان داگە هەنای شویەگەی وەرد برادەرەیلی بوود قەت پەیوەندی وەپی نەکەێد، باوجی بایەتە وەرجە نۆی شەو لە ماڵ بوود.
وەگورەی ئەو گریەبەسیە ک سایت "ئاسیا نەت نیوز" بڵاوی کرد، زاواگە "راجو" خەڵک ویلایەت کیرالا ڕازی وەو مەرج ژنەگەیە "ئەرشانا" بویە، و دوو کەسیش لەبانی واژوو کردنە.
بڵاوبوین گریەبەسی سویرەگە لەبان سۆشیال میدیای هیندی قسەوباس فرەیگ پەیا کرد، ک یەکیگیان وت: وەپای خوەی چیە ناو قەفەس تەڵایی، و بایەتە ڕازی وەیە بوود.
کەسیگتر وت: دیارە ژنەگە زووردارە، ک وەرجە سویرەگە لەبان شویەگەی زاڵ بویە، خودا بکەێد مەرجەیلیگ سەختتر لەبان ئەو پیاوە نەچسپنێد.
