ژنیگ ئەمریکی دۊت خوەی کوشێد گوایە "سپۆنج بوب" وەپی وتگە
شەفەق نیوز/ خانمیگ ئەمریکی خەڵک میشیگان، ک دۊت ٣ ساڵانەی خوەی، لەناو کیسەی زواڵە وەمردگی پەیا کریا، ئەو ژنە وە پۆلیس وت: سپۆنج بوب فەرمان کوشتن دۊتەگەم وەپیم داگە، و گوایە وتیە ئەگەر ئی کارە نەکەم کەفمە وەر مەرگ.
جاستین جۆنسون ئەو داڵگ ٢٢ ساڵانە، وە چەن دەسیگ وە چەقو داگە دۊتەگەی، ئەوەیش دۊیای تەنیا دوو رووژ لە جەژن سێ ساڵەی لەداڵگبۊن ئەو دۊەتە، ئیجا خستیەسەی ناو کیسەی زواڵەی سیا، ئەوەیش چۊنکە ئەو ژنە دەسکردە شیوانن لەوەر کەم خەفتەنی و نەوردن هیرۆیین.
رایان ئێبرلین پۆلیس مقەیەتیکردن مناڵ لەلای دادگا وت: لەو رووژەگ مناڵەگە کوشیاگە، داڵگی وتگە ک خوەی لەماڵ داڵگی لە ناوچەی ئوسکۆدا تەقەلا داگە خودی بکوشێد، وەرجەیە دۊت خوەی بکوشێد.
ئیبرلین وتیش: ژنەگە ئەرام وت؛ چشت فرە لە هۊرمانی نەمەنیە، باوجی زیان لە شیواشیو وەخوەی دیە لەوەر نەۊین هیرۆیین و شەو نەخەفتن، و لە تەلەڤزیۆن ئەرای دەرچگە ک سپۆنج بوب وەپی ئۊشێد بایەتە دۊتەگەی خوەد بکوشێ، و ئەگەرد ئی کارە نەکەێ، کەفێدە وەر مەرگ خوەد.
