نێتفلێکس زیاتر لە ١١ ملیار دۆلار داهات و ٩٥ ملیار ساعەت تەماشاکردن دیرێد

شەفەق نیوز - واشنتۆن

کۆمپانیای نێتفلێکس زیایبوین قازانجەیلی ئەرا چارەک دویەم ساڵ ٢٠٢٥ وەڕیژەی لەسەدا ٤٥.٥ راگەیان، وە بەراورد خود ماوەی ساڵ گوزەشتە.

وەگورەی ئامارەیل کۆمپانیاگە، قازانج پاک رەسیەسە 3.125 ملیار دۆلار کە کەێدە 7.19 دۆلار ئەرا هەر تیریگ.

لە وەختیگ ساڵ گوزەشتە 2.147 ملیار دۆلار کە کەێدە 4.88 دۆلار ئەرا هەر تیریگ.

ئاشکرا کرد کە داهات ئەو ماوە وەڕیژەی 16% زیایکردگە و رەسیەسە 11.08 ملیار دۆلار، لەوەختیگ ساڵ گوزەشتە 9.56 ملیار دۆلار بویە.

لە چارەک سێیەم ئمساڵ کۆمپانیای نێتفلێکس مەزەنە کەێد داهاتەیلی وەڕیژەی لەسەدا ١٧ گەشە بکەێد، یەیش وەمدوو گەشەی ئەندامێتی و نرخ و داهات رێکلامەو.

کۆمپانیاگە رووشنایی خستە بان زنجیرەیلی جویر "Squid Gems"، "Jenny & Georgia" و "Mad Unicorn" جویر ئەزموون تەماشاکردن وەناوبانگ وە درویژایی ئی چارەکە.

کۆمپانیاگە وتیش؛ فیلم ئەڵمانی "نائاسایی" چوارەم فیلم وەناوبانگ نا ئینگلیزییە لە نێتفلێکس، کە ٨٩ ملیۆن تەماشاکەر دبرێد. و "ئەندامەیل لە نیمەی یەکەم ساڵ زیاتر لە ٩٥ ملیار ساعەت نووڕستنەسە نێتفلێکسی، کە وە بەراورد وە پارەکە وەڕیژەی لەسەدا یەک زیایکردگە".