چەن تەمەیگ ئەرا پەتا و هەڵامەت و ئەنفلونزا

شەفەق نیوز/  لە وەخت ئاڵشتبون وەرزەیل و وە تایبەت روی کردن لە وەرز پاییز و زمسان فرەکەس تویش پەتا و هەڵامەت و ئەنفلۆنزا تیەێد، ئەرا زویتر خاسەوبوین و رەدکردن بیماریەگە توێنریەێد سوود لە بڕیگ رینمایی وەر بگریەێد.

دکتۆر کامەران رەسوڵ ژاژڵەیی پسپۆر مژار زانست خوەراک لە بان تووڕ کۆمەڵایەتی فەیسبوک تایبەت وە خوەی بڕیگ رینمایی لەباوەت ئەو خواردنەیلە پێویستە بخوریەێد ئەرا زویتر رەدکردن بیماریەگە ک لە گرنگترینیان ئیانەس:

١ - ئاو : نووشین بڕیگ پێویست لە ئاو  فرە گرنگە ئەرا وەهازکردن و گورج کردن وەرگری لەش، ئاو مڵەما یا گەرم خاسترە بنووشیەێد .

٢ - چای رازیانە  : رووژی دوو ئەرا سێ جار.

٣ - چای سەوز  : وە گەرمی وە بی شەکر ، یا کەمچکیگ هەنگوین بکریەێدە تێ.

٤ -شۆربای گەرم : شۆربای  مامر  یەکیگە لە خوەراکە گرنگەیل، هەمیش شۆربایەیلتر جویر پەڵپینە وە ترشە سماق، شۆربای قارچگ، شۆربای سەوزەوات جویر  شۆربای بڕۆکلی یا سپێناخ وەرد قەڕنابیت و گەزەر .

٥ - زەنجەبیل : چای زەنجەبیل وە تەنیا یا وەرد لیمو  یا هەنگوین.

6 - چای گوڵەمێخەک : رووژی دوو ئەرا سێ جار.

٧ - ئاو لیمو  : گیراوەی ئاو و لیمو  رووژی دوو ئەرا چوار جار  وە تەنیا یا وەگەرد  نەعنا یا هەنگوین یا زەنجەبیل.

٨ - چای  گوڵەبەیبون یا گیراوەی رەشکە و هەنگوین.

٩ - شیر گەرم.

خاسترین جویر ئەو خواردنەیلەش بریتیە لە:

١- ماس. 

٢- میوە مزرەمەنیەگان جویر پڕتەقاڵ و لالەنگی و نارنج و لیمو.

٣- بلۆبێری و ئەنار.

٤- ئەو خوەراکەیلە دەوڵەمەنن وە ڤیتامین ( A ً)ً  جویر ، ئاڵەت زەرد ، بەهێ ،  کەلەرم ، پەتاتەی شیرین، گەزەر.

٤- سیر و پیاز.

٥- ماسی وەە تایبەت ماسی سەلموون.