چەن گامیگ ئەرا داوەزانن کێش

شەفەق نیوز/ فرەیگ مەردم وە دەس زیایبوین کێش لەشیان ناڵن و ریگەی جوراوجویر ئەرا داوەزانن کێش تاقیکەن، کە بەشێگیان تەنیا پەیوەنی وە ئاڵشتکاری لە سیستەم خوەراکیان دیرێد، بەشیگ  ترەک ئاڵشتکاری تەواو لە سیستەم ژیانیان کەن.

وەپای  راپۆرتیگ  لە رووژنامهی Times of India بڵاوکریاس، جیوەجیگردن چەن ریوشوینیگ لە شەوەکیان بوودە مدوو داوەزانن کێش و کاریگەری فرە خاسیگ لەبان لەش، جویر :

-رووژانە لەهەمان وەخت لە خەو هەڵبسید.

-نووشین ئاو وەرجە نوشین چای یا قاوە یا هەر نووشەمەنیگ کافاین لەناوی بوود.

-ئەنجامدان بڕیگ چالاکی لەش سادە ئەرا ماوەی 10 خولەک لە شەوکیان  جویر   یۆگا و دەوکردن ئەرا  ماوەی کوڵیگ .

-خوە دانە وەر   تیشک خوەر و وەرگردن ڤیتامین D لە خوەر.

-خواردن تاقیگ سووک و دەوڵەمەن وە پرۆتین.