مناڵ بلیمەتیگ ٢٦ مەلیۆن دۆلار قانجاز کەێد
رایان کاجی، وەناوبانگترین مناڵ لەبان یوتیۆپ، وەردەوامە وە بەرزەوبوین لە ماوەی ریکارەیل کەرەنتین گشتی لە نواگردن ڤایڕۆس کۆرۆنا.
مناڵە ئەمریکیەگە ك تەمەنی ٨ ساڵانە، دەسکردە کناڵەگەی وە ناو ''جهان رایان'' لەبان یوتیۆب ئەرا پێشکەشکردن بازییگ لە نوای خیزانەگەی و ئەو مناڵەگان، ٢٦ مەلیۆن دۆلار وەدەس هاورد جوور خاوەن بەرزترین داهات، لە دروسکردن پێکهاتەیگ لەبان ئەنتەرنێت لە ساڵ ٢٠١٩ ، ئیسەیش ٢٥،٧ مەلیۆن چەودێر دیرێد. هەمیشە گرتەیل تۆمارکریاگ کاجی '' شیون و لوان'' باوگ و داڵگی گریدەو، و هەفتانە سەرنج مەلیۆنا تەماشاکەرەیل کیشێد.
لە سەرەتای ریکارەیل کەرەنتین گشتی ئەرا نواگردن ڤایڕۆس کۆڕۆنا، کاجی جوور ئەو کەسە وەناوبانگەیل لەبان ئەنتەرنێت، پێکهاتەگەی خوەی تایبەت کرد، ک ئیسە بەرهەم پێکهاتەیلیگ کەێد دەربارەی چالاکیەیل هەنەکی لەناو ماڵ و چەوپیکەفتن زانستی وەگەرد پسپۆڕەیل ڤایڕۆسەگان.
هەر وەختا فرە بویچگ بوی خوەشی هاتیاد لە پارچە ڤیدیۆی ناو یوتیۆب.
کاجی ئووشێد: وەختا سێ ساڵان بویم تەماشای بڕیگ مناڵ کردیام لەبان یوتیۆب و لە داڵگم پرسیام ئایا تویەنم ئیجوورە بکەم؟ وتیاد: بەڵی.
خیزانەگە ئومیدخوازن ک جهان رایان فراوانترەو بکەن، تا بڕەسێدە جەماوەر جهانی، وە درەوس کردن گرتەیل تۆمارکریاگ وەزوان ئیسپانی و یابانی. لەی وەخت ئیسە، کاجی هەمیش وەرەو دیشت سنور کەناڵەگەی فراوانەو بوود، ک فڵچەو مەرهەم دگان پاککەریگ ناوی هەڵگردگە.
