ئەمریکا.. دویەتیگ تابلۆی دوکان سەوزەفرووشیگ کەێدە ماڵیگ ئەرا خوەی
سایت خەوەری "ئینفوبای" وت: دویەتەگە لە تەمەن ٣٤ ساڵانە، ماڵ نەیرێد، و شوینیگ لەناو تابلۆگە کردە ماڵیگ تەیە نزیک ساڵیگە لەناوی نیشتیە، و مێز و کەمپیوتەر و ئامێر قاوە خستە ناوی.
سایتەگە وت: کراکارەیل ناو دوکانەگە هەناێ تەڵیگ وایەر لە قەواسەگە دین وەرەو ناو تابلۆگە چگە گومان لەلایان پەیا بوی، تا ئاشکرای ئەو شوینە کردن کە دویەتەگە لەناوی نیشتیە.
هەناێ دویەتەگە ئەرا دەسەڵاتەیل وت؛ مەوقەی کارکردنی لە شوینیگ ترەک چیادە ناو تابلۆگە، لەلی پرسین چوین هویر وەوە کردیە.
وەگەرد ئەوەیش کاردانەوەی خاوەن دوکانەگە خاس بوی، کە وەرپرسەیل کۆمپانیاگە دڵسووزی وەرد ژنەگە داشتن.
ئەفسەر پولیس وت: دیار نییە چوین ئەو دویەتە چوودە ناو تابلۆگە وەبی پاچینەیگ یا چشتیگ ترەک.
دەسەڵاتەیل زانیاری دانە دویەتەگە کە خزمەتگوزارییەیل لەو ناوچە هەس تا دەسمیەتیی بیەن، وەلێ ژنەگە چگەڕی و کەسیگ نیەزانێد وەرەو کوو چگ.
