چ میوەیلیگ گونجیاگ نین ئەرا دەسوەپیکردن رووژەیلمان؟
شەفەق نیوز/ پسپۆریگ مژار خوەراک هەڵسەنگاندن ئەرا چەن میوەیلیگ کەێد خاسترین و بەدترینی ئەرا دەسوەپیکردن رووژەگە ئاشکراکەێد، و هووشداری دەێد بڕیگ میوە شەکریان فرەس و خاسترە وە شیرینی هەشمار بکریەن و ئەرا ناشتای شەوەکیان وە تەندروس دانیەنریەن.
نیکۆلا لودلام راین، پسپۆڕ خوەراک، ئەو میوەیلە دەسنیشانکردیە کە وەهەڵوژاردەی گونجیایگ ئەرا شەوەکیان دانیەنرێد ئاوانیش بریتین لە:
شامی: جویر بەدترن میوە دەسنیشان کریاس ئەرا دەسوەپیکردن رووژەگەد، رێژەی بەرزیگ ئاو و ڤیتامین سی هاناوی باوجی ها رزبەن یەکەم ئەرا بەدترین میوەیل.
ئەنەناس، ها رزبەن دویەم، هەرچەنە دەوڵەمەنە وە ڤیتامین سی و برۆمیلین کە ئەنزیمیگە هاتێ دەسمیەتی هەرسبدەێد و هەوکردن کەمبکەێد باوجی ڕێژەیی فرەیگ شەکر سرووشتی هاناوی.
مۆز و ئەنگویر: وە پلەی سێیەم تێن هەرچەنە هەڵوژاردەی وەناوبانگیگین ئەرا ناشتای شەوەکیان باوجی لەوەر بەرزی شەکریان لەی لیستە دانریانە.
لەباوەت ئەو میوەیلە کە پێشنیازکرێد مەوقەی ناشتا بخورێد وەپای لیست خوەراکەگە بریتین لە پرتەقال و هەرمێ و کێوی کە دەوڵەمەنن وە ڤیتامین سی.
