یەکەمە لە ئاست جەهان.. ناونایین وەزارەت قاوە لەی وڵاتە
شەفەق نیوز/ لە کاریگ ک یەکمە لەیجویرە، حکومەت بابوا گینیای نوو، یەکەمین وەزارەت ئەرا قاوە دانا.
وەگورەی رووژنامەی "گاردیان" بەریتانی، جیمس مارابێە سەرۆک وەزیرەیل دەوڵەت بابوا گینیای نوو، (ئێم بێ جۆ کولێ) جویر یەکەمین وەزیر قاوە لە ئەنجومەن وەزیرەیل نوو لە حکومەتەگەی دانا.
وەگورەی رووژنامەگە، ئی پۆست وەزارەتیە وە یەکەمین لە ئاست جەهان دریەێدە قەڵەم، و هویچ وەزارەتیگ وەیجویرە وەرجەیە نەویە.
هەمیش وەزارەت روین دارخورما
وەگورەی راپۆرتەگە، درووسکردن وەزارەت نوو لەی دەوڵەتە گرنگیدان حکومەت وە کشتوکاڵیەیل گرنگ ئەرا ئابووری نشان دەێد.
ئەو حکومەتە وەزارەت نوویگتر دروس کرد، ک وەزارەت روین دارخورما بوی.
لە ساڵەیل گوزەشتە، داوای دان قاوە زیایەو بوی، ک لە دەوڵەت بابوا گینیای نوو کاڵیەێد، جویر بەرهەم هەناردەکریای گرنگیگ، ک ئەرا دەوڵەتەیلیگ جویر ئەمریکا و یابان و ئوسترالیا هەناردە کریەێد.
و ئەنجام سەرکی لە دامەزرانن ئی وەزارەتە ئەرا بەرزەوکردن ئاست قانجاز ساڵانە لە هەناردکردن قاوەی بابوا گینیای نوو تیەێد، وە زیایکردن شمارەی ئەو دەوڵەتەیلە ک بوونە بازاڕی.
قاوە لە دەوڵەت بابوا گینیای نوو، وە دویەم گەورەترین بەرهەم کشتوکاڵی لە وڵاتەگە تیەێد، دویای روین دارخورما، و قاوە ٢٧% لە گشت هەناردەیل وڵاتەگەس.
جی باسە ک بابوا گینیای نوو، دەوڵەتیگە کەفێدە ناوڕاس خوەرهەڵات لە دوورگەی بابوا (دویەم گەورەترین دوورگەیل جەهان) لە باشوور خوەرئاوای زەریای ئارام، نزیک ئەندەنووسیا.
