لەوەر بۆتۆکس و فیلەر زیاتر لە 40 وشتر لە پێشبرکیگ دۊر خریان
شەفەق نیوز/ وەرپرسەیل سعودی زیاتر لە ٤٠ وشتر لە ڤیستواڵ پاشا عەبدولعەزیز ئەرا پیشبڕکێی رەنگینترین وشتر دۊرخریان، ئەوەیش وە تەقەلای ئاڵشتکردن شێوەی وشترەیل.
لە شەشەمین خول ڤیستواڵ پێشبرکی رەنگینترین وشتر زیاتر لە ٤٠ وشتر لە کێبڕکیەگە دۊرخریان، لەوەر ئەوەگ بۆتۆکس و جوانکاری ئەرایان کریا بۊی، دەسەی وەرێوەبەریل کیبرێگە ڕاگەیان، وە جۊریگ لە جۊرەیل هەر ئاڵشتکردنیگ لە شیوەی وشترەیلە بکریەێد دۊرخریەێد.
وەگورەی رێورەسم ڤیستواڵەگە رەنگینترین وشتر خاوەنەگەی خەڵات کریەێد، لەوەر ئەوە بەشیگ لە خاوەن وشترەیلە لەی ساڵەیل دواییە ئەلسیانە وە ئەنجامدان جوانکاریی ئەرا وشترەیلیان، جۊر گەپکردن لەوس و بۊچگکردن لۊتیان و وەکارهاوردن دەرزی هۆڕمۆن ئەرا پتەوکردن و گەپکردن ماسیلچەی وشترەیلە، وەگەرد ئەوەیش ماددەی تایبەت ئەرا بەرزەوکردن گوپەیل وشترەیلە وەکارهاوردنە.
لە ساڵ ٢٠١٨ لە کێبڕکیگە نزیکەی ١٢ وشتر دۊرخریان، لەوەر ئەوەگ خاوەنەیلیان دەرزی بۆتۆکس ئەرایان وەکارهاوردۊین.
