لە مانگ رەمەزان ئەرا کیشمان زیایی کەێد؟
2024-03-16T14:25:06+00:00
شەفەق نیوز/ لەماوەی مانگ رەمەزان، بەشیگ لە مەردم هەرچەنە هانە رووژگ باوجی کیش لەشیان زیای کەێد پزیشکیگ پسپۆر هووکارەگەی ئاشکەراکەێد.
دکتۆر کامه‌ران ڕەسوڵ ژاژڵه‌یی، پزیشکی پسپۆڕ زانست خوەراک لەباوەت هووکارەگەی ئوشێد:
هەرچەن مانگ رەمەزان پیرۆز دەرفەت خاسیگە ئەرا کیش داوەزان، باوجی وە پیچەوانەو قەلەوی، و زیایبوین کیش و گەورەبوین زگ لەماوەی چەن ساڵ وەرین بویەسە دیاردەی بڵاویگ.
لەباوەت هووکارەیلی وت: کەمی جویلە و سستی و وەرزش نەکردن لەناوەین بەربانگ و پاشام، دانیشتن ئەرا ماوەی فرەیگ وە دیار تەلەفزیۆن و مۆبایل وەگەرد یەیش خواردنیگ پڕ لە وەزە جویر برنج و مەرگە و گوشت و نانەروینە و خواردن برشیاگ و شیرینی خوەن کە هووکار کێش زیایبوینە لە رەمەزان.
