لە مینەکردن تەڵا نەیزەک پەیا کەێد
شەفەق نیوز/ وەرجە نزیکەی هەفت ساڵ، دەیڤید هۆڵ، مەوقەی مینەکردن کانزا لە پارک ماریبۆرۆ نزیک میلبۆرن، سەنگ قورسیگ پریا کرد، رەنگی وەرەو سوور چوود، چەسپیاسە بان زەوی.
هۆڵ ئەو سەنگ ئەرا ماڵ برد، و گشت چشتیگ ئەرا بڕینی تاقی کرد، وە تیخ و میخ، و نەتوەنست شەقی بەێد.
دویای چەن ساڵیگ، ئەرا هۆڵ ئاشکرا بوی ک ئەو سەنگە نەیزەک دەگمەنیگە.
دیرمۆت هینری زانای جیۆلۆجیا لە مۆزەخانەی میلبۆرن وت: سەنگ فرەیگ دیمە ک مەردم لەخوەیانەو نەیزەکە، راسی، دویای ٣٧ ساڵ لە کارکردن ناو موزەخانە، و تاقیکردن هەزاران سەنگ، دەرکەفت ک تەنیا دووانیان نەیزەک بوینە.
زانایل باس ئەو نەیزەکە کردن ک تەمەنی رەسێدە ٤،٦ ملیار ساڵ، و ناو ماریبۆرۆ بڕینە باڵای.
وەگورەی سایت "ساینس ئەلەرت" کیش نیزیکەوە رەسێدە ١٧ کیلۆگرام، و دویای وەکارهاوردن هەڕەی ئەڵماس ئەرا بڕین پارچەی بویچگیگ، دەرکەفت ک ئاست فرەیگ لە ئاسن هاناوی.
هینری دیاری کرد ک نەیزەک ئەرزانترین ئاشکراکردنە لە ئاسمان، ک سەردەمەگە ئەرامان بەێدە دویا، و بەڵگە لە تەمەن و دروسکردن و کیمیای سیستەم خوەرەگە نشان دەێد.
