لەدەس ژنەگەی دزی لە بانکیگ کرد و خوەی دادەس پۆلیس
شەفەق نیوز/ راپۆرتە هەواڵییەیلە ئاشكەرا کردنە، پیاویگ ئەمەریکی لە تەمەن ٧٠ ساڵ ئەوبان باس کردیە ک وەپی خاستر بۊیە بچوودە زیندان لەجیای ئەوەگ وەگەرد هاوسەرەگەی لە ماڵ بمینێد.
وەگورەی هەواڵیگ ماڵپەڕ "امارات الیوم"، بەڵگەنامەیل دادگا وتنە، پیاویگ لە ویلایەت کانسان بانکیگ دزیە تا بچوودە زیندان، تا دی وەگەرد ژنەگەی گوزەران نەکەێد، ئەراوە پەنا بردیە وە دزین بانکیگ.
پیاوەگە دۊیای ئەوەگ ک مەرافیگ وەگەر هاوسەرەگەی کردیە وەپی وتیە ک خوازێد بچوودە زیندان لەجیای ئەوەگ لە ماڵ بمینێدە گەرد هاوسەرەگەی، لەوەر ئەوە چگە ئەرا بانکیگ لە کانساس سیتی و نامەیگ داگەسە کارمەند بانکەگە ک لەناوی نۊسیایە تفەنگ هاپی و پۊیل خوازێد.
کارمەن بانکەگەیش سێ هەزار دۆلار وەپیداگە، دۊیای ئەوەیش لەجیای ئەوەگ لەو ناوە بواێد، لەبان کورسییگ لەورا دانشتیە و وە پاسەوانەگەی وتیە ک خوەی دزە و بایەد دەسوەسەر بکریەێد، گشت یەیشە تەنیا تا ناچار نەوود بچوودە ماڵ.
