لە بان هەسارەیگ ئاسن وارێد

شەفەق نیوز/ گەدونناسەیل لەڕی تێلیسکۆپ هەسارە نوویگ پەیاکردنە کە ئەوەر خەسیگ گاز دەوری دایە و ئاسن و کانزا لەلی وارێد.

رووژنامەی گاردیان بەریتانی بڵاویکردیە، زانایەیل وە وەکارهاوردن  تێلسکۆپ جەیمس وێب دیاردەی ئەڵاجوییگ لەبان   هەسارەی "YSES-1" وەدی کردیە و تێبینی ئەوەگ کردیە، ئەور خەسیگ لە بەرگەواگەی هەس   کە لە  مەگنیسیۆم و ئاسن دروسبویە و وارنە بان روی هەسارەگە.

 توێژینەوەگە ئاشکرایکردیە، هەسارەگە 307 ساڵ رووشنایی لە زەوی دویرە وەپای پەیمانەیل   گەردوونناسی و بەراورد وە خوەر و هەسارەیل ترەک، جویر  مناڵیگ   تازە لەداڵگبویە چوینکە تەمەنی 16 ملیۆن ساڵە و لە وەرامبەر تەمەن خوەر کە لە 4.6 ملیار ساڵ زیاترە.