لە کالیفۆڕنیا چەن ماڵیگ دروس کریەێد تا ئەرا ماوەی ٥٠٠ ساڵ بمینێد
2022-02-04T11:01:57+00:00
شەفەق نیوز/ بڕیارە کۆمپانیایگ ئەمریکی چەن ماڵیگ دروس بکەێد لە کالیفۆڕنیا ک هاوڕێ ژینگە بوود و ئەرا ماوەی زیاتر لە 500 ساڵ بمینێد.
لە هەواڵیگ ماڵپەڕ "دیزاین بوم" باس لەوە کەێد وە چەن ماڵیگ لە ئایندەی نزیکیگ دروسکریەێد هاوڕێ ژینگە بوود و ئەرا ماوەی فرەیگ مینێد، یەیش وە ئامانج مقیەتیکردن ژینگە دۊر کەفتن لە دروسکردن ماڵ وە وەردەوامی و وەکارهاوردن کەرەستەی بیناسازی ک زەرەرد فرەیگ ئەرا ژینگە دیرێد، جۊر لە هەواڵەگە دیاریکریایە ئی ماڵەیلە گشت کەرەسەتەیلە ک لە دروسکردنی وەکار تیەێد زەرەرد وە ژینگە نیڕەسنێد، لەهەمان وەختیش وە پتەوی دروس کریەێد ک لە مەوقەی زەۊلەرزە و لافاو و روداوەیل سروشتی زەرەرد وە ماڵەگە نێڕەسنێد.
