''قیژەی دڵ'' بویەسە دروشم یاریە رخبەرەگان یابان
یەکیگ لە شارە یاریەگان لە یابان پارچەی ڤیدیۆ بڵاوکرد لەتی داوای کڕیارەیل شارەگە کەێد نەقیژنن لەمەوقەی سواربوین قەتارە ئەژدهایەگان یا رۆڵەر کۆستەر، ئەرا نواگردن لە بڵاوبوین ڤایڕۆس کۆرۆنا.
قیەغەکردن قیژە لە بازیە رخبەرەگان وەئامانج دەرنەچگن پرشە لەمەوقەی قیژانن، ونواگردن لە پرشەگە وەگەرد هەواگە ئەگەر لە یەکیگ لە تووشهاتگەیل پەتاگە لەورا بوود.
وەگورەی قسەکەر وەناو کۆمپانیای 'فۆجیکیوکو' ک شارە یاریەگان خەێدە کار، ئووشێد؛ پارچەی پڕۆپاگەندەگە وەدڵ کڕیارەیل شارەگە بوی و هەنای سوار قەتارەگان بوین پابەندبوین وە بیدەنگی، بەڵکم هیمان بەشیگ لە کڕیارەیل خوەشحاڵ نیین وەی رینمای نووە. گرتە ڤیدیۆ پڕۆپاگەندەگان دەرخەێد وەرپرسەیلیگ لە شار یاریەگە هانە ناو قەتارە ئەژدهایە رخبەرەگە وە بیدەنگی وەقاتەیل فەرمی به‌ریان وەبی قیژانن.
لە کۆتایی ڤیدیۆگە تابڵۆیگ دەرچوود لەقەیەو نووسیاگە ( لەناو دڵدان بقیژنن) ئەوە ک بڕیگیان جوور دروشم گونجیاگیگ دینەی ئەرا ساڵ ٢٠٢٠ . کۆمپانیای وەکارخستن شاریاریەگە لە ماڵپەڕەگەی لە کۆمینتیگ لەبان ڤیدیۆگە نووساد؛ '' وەگەرد ئەوە ک رینمایل کۆمەڵەی شار یاریەیل داوای وازهاوردن لە قسەکردن وەدەنگ بەرز کەێد، سکاڵا وەرگردیمن ک کارەگە سەختە، بەڵکم قەت نێکریەێد، ئەراوە کۆمپانیای فۆجیکیکو هایلاند نموونەی خاسیگ دابین کەێد. شاریاری فۆجیکیکو یابانی ئەرا ٣ مانگ بەسیا لەوەر ریکارەیل حکومەت یابان ئەرا نواگردن بڵاوبوین ڤایڕۆس کۆرۆنا.
