شەش خوەراک تەندروسى جگەر خاس کەێد

شەفەق نیوز/ جگەر کاریگ گرنگ ئەنجام دەێد، چوینکە دەسمیەتی لە لاوردن گشت ژەهرەیل لە لەش ئایەم دەێد، ئمجا لەوەر مقەیەتیکردن تەواو جگر، بایەتە پەیڕەو خوەراک خاس بکریەێد لەوەر ئەوەگ جگر دەسمیەتی ئەرا قورتاربوین لە بەرهەمەیل نەخوازیاگ.    

ئەو خوەراکەیل یارمەتیدەرە لە کەمەوکردن زەرەد لە دەرئەنجام نەخوەشیەیل جگر ئەیانەن: 

1. ئەنگویر:  ئەنگویر سوور و ئەرخەوانى سوود فرەیگ دیرن ئەرا تەندروسى جگەر لەوەر ئەوەگ ماددەى ریسفیراترۆل دیرن. 

2. ئاو بنگەر:  یەیش سەرچەوەى خاسیگە ئەرا نەترات و دژە ئۆکسیدی ک ناسریاس وە betalains ، ئاو بنگەر خاسیشە ئەرا خاسەوکردن تەندروسى دڵیش و لە پەنام و ئۆکسیدیش کەمەو کەێد و مقەیەتى لە جگر کەێد لە پەنام.   

3. سەوزەمەنى:  سەوزەمەنى جوور خەردەل و  سەلیبى ئاشنان وە لەخوەیگرتن ریشاڵ و ماددەیل سوودبەخش درەختی ک یەیش مقەیەتى لە جگر کەێد و ژەهر لەتى نیەیلێد.   

4. ئەڤۆکادۆ:  يەیش سەرچەوەیگ گرنگ و بنەڕەتییە لە خواردنەیل فرەیگ و سوود تەندروستى فرەیگ دیرێد و لەوانەیش خاسەوکردن تەندروسى جگر.   

5. گردەکان:   باس فرەیگ لەوە کردنە وە وەچەو کەرەزاتەیل تر، گردەکان ریژەى بەرزتر لە ئۆمیگا 3 و ئومیگا(47%) و لە ماددەى پۆلیڤینۆڵ دیرێد، ک یەیش ئەرا تەندروسى جگر فرە خاسە.   

6. قاوە و چاى سەوز:  ئى هەردوگ خواردنە فرە خاسن ئەرا لاوردن ژەهر لە جگر لەوەر ئەو ماددەیلە ک دیرنەى و لەهەمان وەخت چاى سەوزیش چەورى لاوەید.