سویر ئەڵاجەوییگ.. پیاویگ هیندی ژنەگەی دەێدە شوی
شەفەق نیوز/ وەلایەت بیهار هیندی، وەی دویاییە، سویر ئەڵاجەوییگ وەخوەی دی، ک شویەگە مارەی ژنەگەی خوەی ئەرا کەسیگ لە کەسوکارەیلی بڕێد.
ماڵپەڕەیلیگ خەوەری هیندی نشان دان ک ئوتام ماندال و سینا کوماری لە ساڵ ٢٠١٤ سویر کردنە، و دوو مناڵ ئەرایان بویە، باوجی ژنەگەی دڵی چگەسە پیاویگ تر لە قەومەیل شویەگەی.
دویای ئەوە ک پیاوەگە لە تەقەلای رازیکردن ژنەگەی لە وازهاوردن لەو دڵداریە وەگەرد قەومەگەی شکست هاورد، ئوتام دەسمیەتی سابنا دا تا شوی وەو پیاو دووسیە بکەێد.
ئوتام ئەرا ماڵپەڕ «بیهار تایمز» وت: تا ماوەیگ دڵخوەرد و تووڕە بویم، وەی بڕیار دام ک چارەیگ پەیا بکەم.
وتیش؛ نزیکبوی ژیان سێ کەس ویران بوود ئەگەر من ئی کارە نەکردیام، ئەوە تەنیا چارەی من بوی، ئیسە گشتمان توێنیمن خوەشحاڵ بویمن.
ئوتام وتیش؛ باوگ و داڵگ سابنا تەقەلای رازیکردنی دان وەگەردم بمینەێد و ئی خيزانە نەشویەێد، وەلی بیخود، تا لە کۆتایی ئەوانیش هاتنە ناو سویر دوێەتەیان وەگەرد دڵدارەگەی.
ودیار نییە ئایا ئوتام و سابنا وەرجە سویر عاشقەگە تەڵاق و جیایی کردن یا نەکردن، وەلێ وەگورەی میدیایل راگەیانن هیندی، دوو مناڵەگە وەرد پیاوەگە مەنن، ک وەێوەگە رازی نەوی بویەێدەیانە گەرد خوەی.
