سەمعان و شەیتان

رووژیگ لە رووژان، گەورەی کەنیسەیگ وەناو سەمعان، لە شوین چووڵیگ ری کەێد، چەوی کەفتە پیای رویتیگ، خەڵپان وەخوین، سەر و سینەی زەخمدارە، و هاوار کەێد.

قەشەگە، وە رکەڕک ورخیگ نزیکەو لەو کابرای زەخمدارە بوی، و کابرایش وت: (باوە) لەچە رخد چوود؟، من و تو لە زویەو برادەر بویمنە.

 پاپا سەمعان ئویشێد: من ت نیەناسم.

زەخمدارەگە وت: تو خاس  من ناسید، هەزار گلە چەومان وەیەکتر کەفتیە، من نزیکترین کەسم ئەرا تو، من شەیتانم.

پاپا دەسکەێدە هاوار و لەعنەتکردن

شەیتان ئویشێد: ئی قسەیلە وەکار نیەتیەن، با باس خوەم ئەراد بکەم.

ئمڕوو تەنیا بویم، و بڕیگ مەلائکەت گەلەکوومە لەلیم کردن، و زەخمدار بویم.

سەمعان دەسخوەشی و ئافەرین لە مەلائکەت کرد، و نەفرەت لە شەیتان کرد.

شەیتان وت: یە چشت ئەڵاجەوییگە، من چەنیگ خاسی ئەراد کردمە، و تو وەی نعمەتە نیەزانید، ت من وەکار هاوردیدە تا ژیان بکەید، ئەگەر من نەووم وەنە ژن و دویەتەد لە ورسگی مرن، ت چە کەید ئەگەر من نەمینم؟، یە بیسوپەنج ساڵە ت گەردیدە ئاوایەیل و وەناو من رخ مەردم بەید، و ئەوانیش گەنم و پویل وە تو دەن، ت یە چەنای چەن ساڵە وە ساقای سەر منەو نان درارید، ت نیەزانید ئەگەر شەیتان مرد دی بیکارەو بوید؟.

لە هویرد چگ؟، کاهنەیل شەیتان دروس کردن تا تەڵا و نوقرە و پویل لە گیرفان باوەڕدارەیل بوەن.