زاناگان بازنەی گەردونی ئاگرینیگ ئاشکراکەن تەمەنی ١١ ملیار ساڵە
تیمیگ توێژینەوەی ناودەوڵەتی لە ئۆستڕالیا و ئەمریکا وکەنەدا ودانیمارک، تویەنستن گرتە وێنەیگ ئەرا رەوشە گەردونییگ بگرن، هالە چینیگ لە گەلە هەسارە بازنەیەگان، ک ناوی نریا وە ( هەڵقە ئاگر گەردونی)، ک بوودە هۆکاریگ ئەرا رەسینەوەیگ خاستر لە باوه‌ت گەشەی گەلەهەسارەگان لەوەختیگ فرە وەرین لە مێژوو گەردون، تەنیا دویای دەور سێ ملیار ساڵ لە دروسبوینی.
ئەرا رەسین وەی ئەنجامه، تیمەگە هەردوگ تیلیسکۆبەگەی رەوانگەی (کیک ) وەکارهاوردن، ک هانە بەرزی دەور چوار کێلومەتر، وتێرەی هەریەکیگیان ١٠ مەترە، ک هيشتەیان بوونە گەوراترین و چەوتیژترین دوو تیلیسکۆب لە جهان. لەشان ئەو زانیاریەیلە ک لە رەوانگەی کیک هاتگە، تیمەگە وێنەیلیگ لە هابڵ وەکارهاوردن، تا ئەنجامەیلیان مسۆگەر بکەن، ئەرا گەلە هەسارە هەڵقەینە نووەگە، ک ناوی نریا وە R5519 .
وەگورەی توێژینەوەگە دویای ئی ئاشکراکردنە، ئی گەلەهەسارە نووە وە دەور ١١ ملیار ساڵ روشنایی لە ئیمەو دویرە، و تێرەی بووشایی ناو بازنەگە وەگورەی دوو ملیار جار چەنە روبەرەگەی ناوبەین زەوی و خوەرە، و رێژەی دروس بوین هەسارەیل نوو لەو گەلەهەسارە ٥٠ جار فرەترە لە رێژەی دروسبوینی لە گەلەهەسارەی ( ری کەیدارەیل) خوەمانی، ئەیەیش دیارە ک لەسەرەتای گەردون چالاکیی فرەتر بوی.
