زیاترین ١٠ دەوڵەت جەهانی یەکسانی ناوبەین ژن وپیاو دیرن
شەفەق نیوز/ دویای ١٣٢ ساڵ لە ئەنجامدان یەکسانی جەهانی تەواو ناوبەین پیاو وژن، راپۆرتیگ لەلایەن یانەی ئابووری جەهانی، باس ئەو بۆشاییە کەێد لەناوبەین دوو رەگەز ئەرا ساڵ ٢٠٢٢ کرد.
ئی راپۆرتە، دویای تۆژینەوە لە ٤ بنەما کریا، ک ١٥٦ وڵات گردەو: (هاوبەشی ودەرفەتەیل ئابووری، ئاست خوەنەواری، تەندروسی ودەسەڵات سیاسی).
وەداخەو ک ئەنجامەیلی داوەزین وەرچەویگ نشاندا، ک دویای بڵاوبوین پەتای کۆڕۆنا وەرجە ساڵ ٢٠٢٢ ، یانەی ئابووریەگە مەزەنە کرد ک دویای تەنیا ١٠٠ ساڵ یەکسانی تەواو ناوبەین دوو رەگەز پەیا بوود، ئەوەیش چوینکە ژنەیل زیاتر کەفتنە وەر کەمەوبوین دەرفەتەیل کار لە ماوەی بڵاوبوین پەتاگە و کەرەنتین گشتی، ئەوەیش وەگەرد ژاوەژاو جیۆسیاسی وشیواشیو ئاسایش و ئارامی لە جەهان.
باوجی ئی راسی تاڵە ئەرا ژنەیل جەهان، ئەوە کاڵەو نیەکەێد ک لەچەن وڵاتیگ لە یەکسانی تەواو وەگەرد پیاو نزیکەو بوینە.
لەیرا لیستیگ وە یەکەم ١٠ وڵات لە جەهان لە یەکسانی ژن وپیاوە:
١/ ئایسلەندا، وە ئاست ٩٠،٨%.
٢/ فینلەندا، وەئاست ٨٦%.
٣/ نەرویج، وەئاست ٨٤،٥%.
٤/ نیوزلەندا، وەئاست ٨٤،١%.
٥/ سوید، وەئاست ٨٢،٢%.
٦/ رەواندا، وەئاست ٨١،١%.
٧/ نیکاراگوا، وەئاست ٨١%.
٨/ ناميبيا، وەئاست ٨٠،٧%.
٩/ ئێرلەندا، وەئاست ٨٠،٤%.
١٠/ ئەڵمانیا، وەئاست ٨٠،١%.
