ئەرا یەکەمجار... بیتکۆین رەسێدە ١٢٣ هەزار دۆلار

شەفەق نیوز - وەدویاچگن 

بیتکۆین، ئمڕوو دووشەممە، بەرزترین ئاست بیوینەی وەدەسهاورد و ئەرا یەکەمجار لە میژوو خوەی ئاست 120 هەزار دۆلار بڕێد.

نرخ بیتکۆین کە گەورەترین دراو ئەلیکترۆنیە، لە بازاڕ ئەرا ١٢٣ هەزار و ٢٠٥.٠٩ دۆلار بەرزەو بوی، نرخ ئیتیریم کە دویەم گرانترین دراو ئەلیکترۆنیە، لە دویای بیتکۆین، لە ٣ هەزار دۆلار رەد کرد.

بڕیارە ئەنجومەن نوێنەرەیل ئەمریکا لە ماوەی هەفتەیگ سێ پڕۆژە یاسای گەورە  بخەێدە وەردەس کە ناو "هەفتەی دراو ئەلیکترۆنی" لەلی نریاس یاسای GENIUS ئەرا stablecoins، یاسای CLARITY ئەرا پێکهاتەی بازاڕ دراو ئەلیکترۆنی، یاسای SURVEILLANCE ئەرا قەیەغەکردن دراوە دیجیتاڵییەیل بانک ناوەندی.

سوزانا ستریتەر لە هارگریڤز لانسداون وت: ترەمپ زیاتر کەس پشتگیری لە دراوە دیجیتاڵییەیل کردیاد و هاتێ پەیمانەیلی بکریەنە یاسا.

وتیش: یەیش توەنێد گاڵ کۆمپانیا و دامەزراوە داراییەیل زیاتر بەێد ئەرا هەڵگردن دراو دیجیتاڵی.

دیاری کرد کە "لەوەر نیگەرانییەیل لە رەوش دارایی ناپایەدار لە ئەمریکا و داوەزیان ناوبانگی دۆلار،  روی وەرە لە دراوەیل ئەلیکترۆنی کریەێد".

بۆب ساڤاج، شرۆڤەکار بانک نیویۆرک مێلۆن ئویشێد؛ لە چەن هەفتەی گوزەشتە، بیتکۆین سوود لە "هاتن دارایی ئەرا سندوقەیل بازرگانی ئاڵوگۆڕ" وەرگردگە، ئەو بەرهەمەیلە کە نرخەیلیان وە پشتبەسین وە رەفتار ئی سەروەت و سامانەیل لە دامەزراوە نووەیل ئاڵشت بوود .