رەفتار ناکاویی مەیموونەیل نیگەران زانایەیل کەێد
شەفەق نیوز/ دویای ئەو ویرانکاری لە ئەنجام زریان "ماريا"، لە دوورگەی دومینیکا ئیجا بورتوريكو تا رەسێدە هەرێم ئەتڵەسی ناوڕاس، فرە لە مەیموونەیل (مەکاک ریشەی) لەو دوورگە وەرانوەر کەناراوەیل بورتوريكو قورتار بوین.
وەلێ ئەو مەیموونەیلە وە ناکاوەو دویای ئەو زریان سەختە لە ساڵ 2017 رەفتاریان ئاڵشتەو بوی.
وەگورەی رووژنامەی “ NPR” ئەمریکی، زانایەیل لە ساڵ 1938 ئەو مەیموونەیلە خستنە دوورگەی بویچگ کایۆ سانتیاگۆ وەرانوەر دوورگەی بورتوريكو تا رەفتاریان بزانن، و ئەو وەخت وتن رەفتاریان دوژمنایەتیە و هەمیشە دژایەتی کەن.
دویای ویرانکاری زریان "ماريا" لە ساڵ وەبان وڵات ئی مەیموونەیلە، و سەوزەی لەناو دا، و سایەی دارەیل ئەرایان نەما، وەناکاوەو رەفتاریان ئاڵشتەو بوی، کە جەنگ لەبان سایت دارەیل نەکردن، هەرچەن کەمەو بوینە، کە ناچار بوون بچنە ژیر سای دارە کەمەیل تا خوەیان هوونکەو بکەن، و واز لە دژایەتی و جەنگ هاوردن، کە زانایەیل ئی مەزەنە نەکردن، کە ئی مەیموونەیلە کە لەبان گشت چشتیگ جەنگ کردیان، ئیرنگە وەیەکەو چنە ژیر سای دارەیل، و وەزوور بەشیان کەێد.
هاتێ سەختی ژینگە هیشت رەفتاریان ئاڵشتەو بوود، کە دیارە ئاڵشتبوین کەشوهەوا و پلەی گەرمی وەشیوەی گەورەیگ رەفتارەیل ئایەم و ژیان هشکایی و دار و درەختەیل ئاڵشت کەێد، و ئەو مەیموونەیلە بوینەسە نموونەیگ ئەرا ئەوە.
