دوو زانای (کۆڕۆنا) خەڵات نۆبڵ لە پزشکی کەفێدە دەسیان
2023-10-02T12:24:02+00:00
شەفەق نیوز/ دەسەی خاوەندار خەڵات نۆبڵ، ئمڕوو دووشەممە، راگەیان کە هەرلە دوو زانا کاتالین کاریکۆ و دور وایزمان وە خەڵاتەگە ئەرا ساڵ ٢٠٢٢ سەرکەفتن، وە رێزگردن ئەرا ئاشکراکردنەیلیان کە دەسمیەتی لە گەشەپیدان واکسینەیل گورجیگ دژوە ڤایرۆس کۆڕۆنا دەن.
ئەو دەسە کە کار پەسەنکردن سەرکەفتگیل جیوەجی کەێد، دیاری کرد کە توێژەرەیل خەڵاتەگە وەپییان بەخشینە ئەرا ئاشکراکردنەیلیگ لە راسەوکردن ریسگایل ناووک کە هیشت بڕەسنە واکسینەیل گورجیگ دژوە کۆڤید-١٩.
ئی خەڵاتە یەکیگە لە باڵاترین خەڵاتەیل لە کۆمەڵگەی زانستی، کە وەلایەن کۆمەڵ نۆبڵ لە پەیمانگای کارولینسکا لە سوید پەسەن کریەێد، و نرخەگەی رەسێدە ١١ مەلیۆن کرونە (نزیکەی یەک مەلیۆن دۆلار).
خەڵات نۆبڵ ئەرا پزشکی، یەکەمین خەڵاتە کە ئاشکرا کریەێد، و دویای ئەوە ئەو پەنج خەڵاتەگەی نۆبڵ لەی ساڵە ئاشکرا بوود.
