دروسکردن وەیلکان وە جگارە

شەفەق نیوز/ لە ماڵیگ لە نیودەلهی پایتەخت هیندستان، ژنەیلیگ لەبان زەوی نیشن، و باس و هەنەکی خوەیان کەن، مەوقەی پڕکردن وەیلکانەیلیگ وەشیوەی خرس، وە چشتیگ ک هەمیشە لەناو گەناڵخە پەیا کریەێد.

ئەو چشتە ک وەیلکانەیل وەپی پڕ کەن، لە جیماگەیل جگارە کریاگە، و دویای گردەوکردنی لەناو جادەیل شارەگە، پاکەو کریەێد و چەرمگەو بوود.

وەی کارە، ئەو جیماگەیل جگارە لەناو جادەیل بوونە چشت پاک و رەنگینیگ، لەناو کارخانەی نامان خوبتا لە نیودەلهی، ک ساڵانە مەلیۆنا جگارەی فڕەدریاگ دووارە خەێدە کار.

ریخریاگ تەندروسی جەهانی، مەزەنە کەێد شمارەی جگارەکیشەیل هیندستان بڕەسێدە نزیکەی ٢٦٧ مەلیۆن کەس، و هەمیشە جیماگەی جگارە پڕ جادەی شارەیل کردیە.