خوەنستنیگ لە کتاو (جیاوازیل) ئەرا نویسەر مالکۆم گلاوێڵ

گلاوێڵ ئویشێد سەرکەفتن نایاب دەرئەنجام بڕیگ هوکارە، جویر سەردەم و کولتوور و دەرفەتە لەدەسچگەیل کە تاکە کەسەیل لە ژیانیان تویشی بوون.

 گلاوێڵ لە کتاوەگە باس  چیرووک ئەو کەسەیلە کەێد کە لە چەوڕیە ئاساییەیل رەد کردنە و سەرکەفتن گەورە وەدەس هاوردنە، و پرسیارسگ خەێدە وەرچەو: کە چە هیلێد بڕیگ کەس لە کەسەیلیگ ترەک خاستر بوون؟.

  گلاوێڵ ئاشکرا کەێد کە وەڵامەگە لە زیرەکی و لیهاتگ تاکەکەسی رەد کەێد، بەڵکم گرنگی وە کاریگەرییە قویلەیل ژینگە و پەروەردە و دەرفەت دەێد.

یەکیگ لە نموونە ناودیارەیل چیرووک بیل گەیتسە، دامەزرێنەر کۆمپانیای مایکرۆسۆفت، کە لە سەردەم و شوینیگ گونجیاگ لەداڵگ بویە تا لە تەمەنیگ بویچگ دەسی وە تەکنەلۆژیای کۆمپیوتەر بڕەسێد.  ئەو وەختەیل تەواو و بی کەموکوڵییە هیشتن سەرکەفتن ناوازە وەدەس بارێد.

نموونەیگ ترەک مۆزارت، مۆسیقاژەن زەناوبانگ کلاسیکە، کە لە مناڵییەو هەزاران ساعەت وە بازیکردن و تاقیکردن و مۆسیقا ژەنین وەسەر بردیە،  هەر ئی ساعەتیل درویژە کە هیشتیە بڕەسێدە ئاستیگ ناوازە لە مۆسیقا.

 وەگشتی، Outliers: The Story of Success ئەو هویرە خەێدە وەردەس کە سەرکەفتن نایاب تەنیا دەرئەنجام تەقەلای تاکەکەسی نییە، بەڵکم وە تونی کەفێدە ژیر کاریگەری رەوش دەرەکی و ئەو دەرفەتەیلە کە تاکە کەسەیل  دیرنەی.  

گلاوێڵ نووڕین نوویگ  نشان دەێد کە سەرکەفتن وەڕاسی مانای چەس، و گاڵمان دەێد هەڵسەنگاندن لەوە بکەیمنەو کە چوین لەو تاکەیلە بفامیمن و نرخداریان بکەیمن کە وە "ناوازە" زانیمن.

 ناو ئینگلیزی کتاوەگە: "Outliers: The Story of Success"