خانمەیل زیاتر لە پیاوان لە پاچینە کەفنە خوار
2023-07-28T14:52:01+00:00
شەفەق نیوز/ توێژینەوەیگ نوو ئاشکەرایکردیە، خانمەیل زیاتر لە پیاوەیل ئەگەری هەس لەبان پاچینە بکەفنە خوار یەیش وە مدوو چەن فاکتەریگە.
وەپای خەوەریگ ک سکای نیوز بڵاویکردیە هاتیە "توێژینەوەیگ وەلایەن دەسەی " BWF"ـ جیهانیی ئەنجامدریایە ئاشكەرایکردیە، لە سەدا 38 خانمەیل ئەگەر کەفتن دیرن لەمەوقەی چینەبان و داوەزین وەبان پلەکانە، دویەتەیل ناخاڵیش زیاتر لە کوڕەیل گەنج هاتێ بکەفن".
زانایەیل هووکارەگەی گلەودانە ئەرا ئەوەگ خانمەیل مەوقەی وەکار هاوردن پلەکانە هویرمانیان سەرقاڵە و کەمتر وریا بوون وە مدووی قسەکردن وەرد کەسەیلتر یان وەکارهاوردن مۆبایل یان هەڵگردن چشتیگ وە دەسیان، یەیش هیلێد نەتوەنن خوەیان وە راگرەیلە بگرن.
هەمیش جویر کەوشەیلیان ک وازە یا بەرزە هیلێد زیاتر دەرفەت کەفتن بیاشتوون.
