جەنگەگە رەسیە پشی رووسی

شەفەق نیوز/ دۊای وەرزش و راگەیانن و روشنهۊری،  سزایل خوەرئاوایی لەبان رووسیا، لەوەر دەسوەردان سەربازیی لە ئۆکرانیا،  ئەوەسا رەسێدە پشی رووسیا.  

وەگورەی بەیاننامەیگ لەلایەن ریخریاگ "فیدراڵی جەهانی پشی"  لەبان سایت ئەلیکترۆنی خوەی بڵاو کرد: لە ١ ئادار وەرەولا، ری وە ئەندامەیل ریخریایەگە ئەرا هاوردەی هۊچ پشییگ لە رووسیا نییە.  

هەمیش قەیەغەی بەشداریکردن هەر پشییگ ک لە رووسیا ئیوەت کریاگە لەناو چالاکیەیل ریخریایەگە.   

وەرانوەر ئەوە، ئەنجومەن وەڕیەوبردن ریخریایەگە، بەشیگ لە بوودجەگەی ئەرا ئەو کەسەیلە تەرخان کەێد ک پشی ئۆکرانی ئیوەت کەن.    

دۊکە چوارشەممە،  سێرگی لاڤرۆڤ وەزیر دەرەوەی رووسیا، سەرسامی خوەی نشاندا، ک سزا و قەیەغەیل بان وڵاتەگەی رەسیە وەرزشکار و رووژانەمان و روشنهۊریەیل.