چگە تا ژنەی بکوشێد سێ کەس ترەک کوشت و شەشیش زەخمدار کرد

تەقەکردن لەناو مەیخانەی کۆکس کۆرنەر بویە، ک ماتوورسوارەیل لەناوی گردەو بوون، وەدویری نزیکەی ٧٠ کێلومەتر وەرەو باشوور خوەرھەڵات لۆس ئانجلەس، کە ٣ کەس لەناوی کوشیان و ٦ کەسیش زەخمدار بوین.

ئەو کابرا تواستیە ژنەی بکوشێد کە خوازید لەلی جیاوە بوود، و تەقە لە کەسەیل ناو مەیخانەگە کرد.

وەرپرس پولیس ناوچەی ئۆرانج دۆن بارنز لە کۆنگرەیگ رووژنامەوانی وت: تەقەکەرەگە ناوی جۆن سنولینگ تەمەن ٥٩ ساڵە بویە، و ئەوسا پولیس بویە، و هاتیە تا ماری ژنی بکوشێد.

دیاری کرد ک هەناێ جۆن هاتیەسە ناو مەیخانەگە، روی وەرەو ژنەی کردیە، و وەبی هویچ قسە و دەنگیگ تەقە لەلی کردیە.

ژنەگەی نەمردیە، و ئیسە ها خەسەخانە.

ئەو پیاوە دویای ئەوە، تەقە لە ژنیگ کردیە کە وەگەرد ماری نیشتیە شام خوەێد، و دوو پیاگیش کوشت.

بارنز وتیش؛ جۆن وەگولەی هیزەیل رزگارکردن یاسا لەناو گەراج ماشین لە پشت مەیخانەگە کوشیا.