تەمەنی 100 ساڵە.. ئەمریکییگ سویر دەزویرانەگەی کەێد کە تەمەنی 96 ساڵە
2024-06-08T09:48:20+00:00
شەفەق نیوز/ ئمڕوو شەممە، لە نزیک ئەو کەناراوانە کە هەشتا ساڵ وەرجەیە داوەزیان هیزەیل هاوپەیمانان وەخوەی دی، لە نۆرماندی لە باکوور خوەرئاوای فەرەنسا، هاوسەرگیری هارۆڵد تێرێنسی ئەمریکی تەمەن ١٠٠ ساڵ، جەنگاوەر دێرین لە ئۆپەراسیۆن یەکلاکەرەوەی جەنگ جەهانی دویەم، وەگەرد دەزویرانەگەی، جین ساوەرلین (96 ساڵ)، ئاهەنگ سویر کەن.
ئاهەنگ سویر ئەو جەنگاوەر دێرینە لە ناوچەی کارێنتان لێس مارایس کە کەفێدە بەش مانچە وەڕیەو چوود، دویای دوو رووژ لە یادکردن ٨٠ ساڵەی ئەو سەربازەیلە لە ئۆپەراسیۆن ئۆڤەرلۆرد کوشیانە، کە خاڵ دەسکردن وە ڕزگارکردن فەرەنسا بوی لە دەس داگیرکاری نازییەیل.
سەرۆک شارەوانی ژان پیێر لۆنۆر ئەرا ئاژانس فرانس پرێس وت: "فرە شانازی کەیمن کە تێرێنس لێرە سویر کەێد، لە کارێنتان، کە لە مانگ حوزەیران ساڵ ١٩٤٤ خاڵ گردەوبوین ناوەین هیزەیل هاوپەیمانان بوی کە لە کەناراوەیل یوتا و ئۆماها نیشتنەو.".
وتیش: بیگومان میوانداریی کەیمن، و دیارییگ ئەرا سوپاسکردنی ئەرا بەشداریکردنی لە ڕزگارکردن فەرەنسا.
