برا خاسه نه چۊ شۊ
زمسان تێد و وەفر گشتێ دیەکەگە و ئەو ناوچە داپووشێد.
یەی ڕووژ داڵگ دۊەتە ئۊشێدە کوڕەی:
ڕووڵە قەیرێگە دۊەتەم نەیمە ، فرە دڵم ئەڕای تەنگ بۊە!
برا تفەنگ هەڵگرێد و سوار° ئەسپ بوود و رێ ماڵ خوەیشک گرێدە وەر.
هەنای ڕەسێدە دیەکەگە، خوەیشک سوار ئەسپ کەێد و وەرەو ماڵ باوگ کەفێدەو ڕێ ، ئەمان لە ناو ڕێ ، تۊش وەفر قورسێگ بوون و وە ناچار ، پەلام بەنەو ئشکەفتێگ و شەو وەل خوەیشکا لە ناو ئشکەفت بەنەو سەر.
هەوا سەردە.. برا بارەکووڵێگ چیلگ کووەو کەێد ، ئەمان چۊن تەڕن ، دەم نیەگرن.
برا ناچار بوود - وە خاتر خوەیشگ ک لە سەردی لەپسا لەرزێد - قونداخ تفەنگەگەی بشکنێد و بنەێدە ژێر چیلگەگان و ئاگر دەم بێیەێد و خوەیشک گەرمەو بکەێد.
لەی ئانە برا لۊت بەرز گرێد و لە خوەیشک پرسێد : وە ڕای ت° برا خاسە یا شۊ؟
خوەیشگ فکرێگ کەێد و ئۊشێد :
"یه ئاگر و دەم و دۊ
برا خاسه ، نه چۊ شۊ" !
لێکووڵینەوەیگ لە : د. ڕزا مەوزوونی
هەڵگەردان: م. ع. پوویا
