باوگیگ نیم جگەر خوەی دەێدە دویەتەگەی تا جەرگی نەسزێد
شەفەق نیوز/ باوگیگ رزگار دویەت سێ ساڵان خوەی کرد، ک تەنیا چەن ساعەتیگ لە ژیان ئەرای مەنۊد، دویای ئەوە ک جگەری پەکی کەفت، وەگورەی سایت "سکای نیوز" بەریتانی.
سەرچەوەگە وت: پزشکەیل خەوەردار باوگ و داڵگ دویەتەگە "لولا رۆز راین" کردن ک تەنیا چەن ساعەتیگی لەبان ژیان مەنیە، چوینکە جگەری لەکار وسیاگە، وتنیش تەنیا دەرفەتیگ ئەرا ژیانی هەس.
پزشکەیل دیاری کردن ک لولا نەشتەرگەری داناین جگەر خوازێد تا لەبان ژیان بمینێد، وتنیش تەنیا لە جگەر باوگ یا داڵگ ئەرای گونجیەێد.
باوگ لولا "ئەڵان راین" وت" هەنای پزشک وەپید ئۊشێد: جەرگ جگەر خوازێد، تا نەمرێد، باوگ چە بکەێد تا جەرگی نەسزێد؟ پزشکەیل ئەو دویەتە خستنە بیهووشی تا دەرفەت قورتاربوین لە پەککەفتن ئەو ئەندامەیلی بیەن، تا باوگەگە بڕیار دا نیم جگەر خوسی بیەێدە دویەتەگەی.
سکای نیوز ئاشکرا کرد ک نەشتەرگەریەگە ٧ ساعەت کیشا، و ئەنجامەیلی خاس بوی.
