کابرایگ وەناو "تابووت" ئاهەنگ سویرەگەی کەێد
شەفەق نیوز/ زاوایگ ئەمریکی، کەفتە وەر رەخنەیل زبریگ، دویای بڵاوبوین پارچە ڤیدیۆیگ، نشانی دەێد هەنای وەشیوەیگ نا یاسایی رەسێدە ئاهەنگ سویرەگەی.
وەگورەی رووژنامەی دەیلی مەیل بەریتانی، یەکیگ لە برادەرەیل زاواگە ئەو ڤیدیۆ توومار کردیە، لەناویان نشان دەێد ک زاواگە وەناو تابووتیگ ڕەنگ سیا تیەێدە ناو ئاهەنگ سویرەگەی.
برادەر زاواگە لە کۆمێنتی لەبان وینەگە نویسان: ئایا یە تەرمە؟، نە، یە ئەو رەفتارە بوی ک برادەرەکەم بڕیار دا وەیجویرە بچوودە ناو ئاهەنگ سویرەگەی.
ئەو پارچە ڤیدیۆ ک لەبان (تیک تۆک) بڵاو بوی، ئاهەنگ سویرەگە نشان دەێد، ک ماشین مردگەیل تیەێد، و برادەرەیل زاواگە وەزوی دەر ماشینەگە واز کەن، و تابووتیگ سیا لەناوی درارن، ئەوەیش وەبان ئاواز مۆسیقا.
برادەرەیل ئەو تابووتە هەڵگرن، تا رەسنە لای وەوی، ئیجا زاواگە لەناو ئەو تابووتە دەرچوود.
لەناو ڤیدیۆگە، بڕیگ لە ئامادەبویەیل ئاهەنگ سویرەگە، وە شیوەیان دیارە ک ئەڵاجەوییان وەرەو ڕەفتارە تیەێد.
ئەو پارچە ڤیدیۆ، زیاتر لە ٦،٨ مەلیۆن تەماشاکەر وەدەس هاورد، و هەزاران لەو کۆمێنتەیلە ک نفرەت لەی رەفتاریە کردن.
